雞煲，有雞又有邊爐打，絕對是貪心份子之選。
要儲夠食量，集齊飯腳不易。難得食，就揀間朋友保證的。

湯底選擇多，椰子雞、田雞、無米粥，連羊雜都有。不忘初心，想食的是招牌香辣雞煲 ($128)。

滾起熱辣辣，仙氣滿滿。幾個女仔，半隻剛剛好。辣度自決，這個是真小辣，單喝夠濃味。
指明要走地新鮮雞，價錢才差$33！煲起肉質嫩滑，滾多陣都不怕變橡筋。


打邊邊必點的牛系，這裏多達13種。疑似推介的手切新鮮牛肉 ($188)，相對肥牛，色澤偏暗紅。

紋理明顯，脂肪量少。切得算厚身札實，食落份量多，牛味極重。

說到邊爐常客，離不開有三秒定律的即炸響鈴 ($32)吧？即叫即炸，腐皮味香又酥化，非普通來貨拆盒。


配料特多，不乏少見餸菜和新奇名稱。以「人頭＊豬腦」為最，想穩陣還是揀正常系……
尤其推薦深海八爪魚鬚 ($22/半碟)，用料比一般的好，滑溜難夾。

大條粗身勁彈牙，連續食應該會嘴軟。這個價錢好抵食，唔叫會走寶。

大大粒的日本鮮帶子 ($95)，一梳梳肉又滑又甜。無鬆散感之餘，不大縮水。


喜歡湯汁的話，原隻特級魚肚 ($42)最岩。

單看似發水麵包，煮起索滿湯汁。吸水力遠勝豬皮，小心辣親，熱湯四濺。

軟中帶爽的野生竹笙 ($32/半碟)，吸力亦不弱。膨脹度驚人，直逼煲的邊際。


其他常見系，亦不遑多讓。自家製手打蝦丸 ($38/半碟)，粒粒巨型足料。蝦味濃又勁彈，果然必食。

韮菜餃 ($20/半碟)滿口菜香，不易煲散。比一般溝豬肉的甜，好像是……有點蝦味？


不健康份子，難得找到喜歡的菜。有邊爐少見的豆苗 ($38)，還要是價錢合理！

另外，粟米 ($16/半碟)和海帶 ($16/半碟)，用來熬湯很不錯。


叫飲品，再次被驚呆了。熱茅根竹蔗水 ($10/杯)無過甜，普通凍飲杯走冰的份量。
而特大凍檸蜜 ($30)足足大一倍，完全不怕不夠喝。那……再大的巨型、巨無霸版，又會是怎樣呢？


無加一，秘製醬料才不過$4/位。樣樣猛料，整晚「嘩嘩」聲不斷，大滿足！
為可揀半碟、巨杯飲品，以及枱面的擺骨小桶點讚，實在是貼心又細心。
裝修簡單平實，但絕對是良心之作，難怪平日亦差不多坐滿。果然好介紹，encore之列又+1了～


寶寶雞煲
旺角花園街75-77號花園商業大廈1樓